ब्राइट +2 कलेजका व्यवस्थापन संकायका विद्यार्थी तथा शिक्षकहरूको टोलीले हालै डाबर नेपाल प्रा.लि. को औद्योगिक भ्रमण सफलतापूर्वक सम्पन्न गरेको छ।

उद्योगको स्थलगत अवलोकनका क्रममा विद्यार्थीहरूले Fast Moving Consumer Goods (FMCG) र आयुर्वेदिक उत्पादनहरूको वास्तविक निर्माण प्रक्रिया प्रत्यक्ष रूपमा अवलोकन गर्दै महत्वपूर्ण जानकारी हासिल गरेका थिए। साथै, डाबर नेपालले अपनाउँदै आएको वातावरणमैत्री र दिगो औद्योगिक अभ्यासबारे सूक्ष्म जानकारी पनि प्रदान गरिएको थियो।

भ्रमणका क्रममा विद्यार्थीहरूले उद्योगका विज्ञहरूसँग प्रत्यक्ष अन्तरक्रिया गर्दै विश्वव्यापी व्यापारिक अभ्यासहरूबारे ज्ञान हासिल गरे। व्यवस्थापन संकायका एक विद्यार्थीले भने, “डाबर नेपाल भ्रमणले कक्षाकोठामा प्राप्त सैद्धान्तिक ज्ञानलाई व्यवहारमा कसरी कार्यान्वयन गरिन्छ भन्ने कुरा बुझ्न ठूलो सहयोग पुर्‍यायो।”

कलेज प्रशासनले यस्ता शैक्षिक भ्रमणहरू विद्यार्थीहरूको व्यवहारिक ज्ञान अभिवृद्धि र समग्र विकासका लागि अत्यावश्यक भएको बताउँदै आगामी दिनमा अन्य प्रतिष्ठित उद्योगहरूमा समेत भ्रमणको आयोजना गरिने जानकारी दिएको छ।