बिरगंज सिटी मार्केटका विभिन्न पसलहरूले मानवसेवा आश्रम बिरगंजमा आश्रित आमा–बुवाहरूका लागि हाफ पाइन्ट र टी–सर्ट सहयोग स्वरूप प्रदान गरेका छन्।
बिरगंज घण्टाघरस्थित आर्मी ब्यारेक नजिकै रहेको सिटी मार्केटका व्यापारीहरूले वृद्ध आमा–बुवाहरूप्रति माया, स्नेह र समाजसेवाको भावना स्वरूप उक्त सामग्रीहरू हस्तान्तरण गरेका हुन्।
उक्त योगदानलाई सफल बनाउन संयोजनकारी भूमिका निर्वाह गर्ने समाजसेवी बिक्की सरार्फ लाई मानवसेवा आश्रम बिरगंजका संस्थापक सदस्य देवेश गुप्ता र प्रकाश थारू द्वारा विशेष धन्यवाद ज्ञापन गरिएको छ।
त्यस्तै, सहयोग अभियानमा निरन्तर साथ दिँदै आउनु भएका प्रती समेत विशेष आभार प्रकट गरिएको आश्रमले जनाएको छ।
