प्रत्येक वर्षझैँ यस वर्ष पनि वीरगञ्जस्थित श्री राणीसती मन्दिर आदर्शनगरमा भादि मावस महोत्सव–२०८२ भव्य रुपमा धुमधामका साथ सम्पन्न भएको छ। श्री मारवाडी सेवा ट्रस्ट, श्री राणीसती ज्योति मण्डल र श्री राणीसती महिला मण्डल वीरगञ्जको संयुक्त आयोजनामा सम्पन्न भएको थियोे।उक्त कार्यक्रम शुक्रबार र शनिबार भएको थियोे।
कार्यक्रमअनुसार भदौ ६ गते शुक्रबार बिहान ८:०० बजे ध्वजा तथा कलशसहितको शोभायात्रा प्रारम्भ भएको थियोे भने बिहान ९:०० बजेदेखि १३ घण्टे अखण्ड ज्योति प्रज्वलन गरी भजन–कीर्तन भएको थियोे भने दिउँसो २:०० बजेदेखि श्री राणीसती महिला मण्डलले विशेष भजन–कीर्तन प्रस्तुत गरिएको थियोे। बेलुकी ७:०० बजेदेखि भारतका सुप्रसिद्ध भजन गायक अभिषेक शर्माले भक्तिमय भजन प्रस्तुत गरेका थिए।
भदौ ७ गते शनिबार बिहान ६:०० बजेदेखि जात धोक पूजा–अर्चना सुरु भएको थियोे भने दिउँसो २:०० बजेदेखि अयोध्या धामका प्रसिद्ध पाठ वाचक जोडी श्री पप्पु सांवरिया र श्री स्मृति कक्कडद्वारा मंगल पाठ सञ्चालन भएको थियोे।
महोत्सवको विशेष आकर्षणमा अखण्ड ज्योति, मंगल पाठ, भजन–कीर्तन,छप्पन भोग, फलसवामणी चढाइएको थियोे। साथै दादीजीलाई अर्पणस्वरूप छप्पन भोग, फल सवामणी र बुन्दिया सवामणी समेत गरिएको थियोे
उक्त महोत्सवमा बिरगंजका मारवाडि सामुदायका महिला तथा पुरुषहरुको हजारौको संख्यामा भक्तजनहरुको सहभागीतामा महोत्सव धुमधामका साथ सम्पन्न भएको थियोे।
