नेपाल प्रेस युनियन बाराका अध्यक्ष श्यामबाबु प्रसाद यादवलाई टेलिफोन संवादका क्रममा अमर्यादित तथा अपशब्द प्रयोग गरेको आरोपमा डा. चन्द्रभूषण यादवलाई बारा प्रहरीले नियन्त्रणमा लिएको छ ।
प्रहरीका अनुसार प्रसौनीस्थित एल.एस. न्युरो हस्पिटलबाट डा. यादवलाई इलाका प्रहरी कार्यालय प्रसौनीको टोलीले नियन्त्रणमा लिइएको हो। नियन्त्रणमा लिएर उनलाई आवश्यक अनुसन्धानका लागि करिब ५ बजे जिल्ला प्रहरी कार्यालय बारामा ल्याइएको छ ।
हात भाँचिएको बिरामीको प्लास्टरसम्बन्धी विषयमा जानकारी लिन पत्रकार यादवले फोन सम्पर्क गर्दा डा. यादवले अमर्यादित तथा अपशब्द प्रयोग गरेपछि डाक्टर यादवको अडियो सार्वजनिक भएको थियो । उक्त घटनाबारे थप अनुसन्धान कार्य भइरहेको जिल्ला प्रहरी कार्यालय बाराले जनाएको छ।साभार: साझेदारी डेली
