वीरगञ्जका विभिन्न तीन स्थानमा सम्पन्न छुट्टाछुट्टै रक्तदान कार्यक्रममार्फत कुल १३२ जनाले आफ्नो अमूल्य रक्तदान गरेका छन्। समाजमा रगत अभाव न्यूनीकरण गर्ने उद्देश्यले आयोजित यी कार्यक्रमहरूमा स्थानीय जनप्रतिनिधि, सामाजिक अगुवा तथा सर्वसाधारणको उल्लेखनीय सहभागिता रहेको थियो।
दुर्गा पूजा समिति रानीघाटद्वारा आयोजित २६औं खुला रक्तदान कार्यक्रम समितिका अध्यक्ष शतिस सिंह राजपुतको अध्यक्षतामा सम्पन्न भएको हो। कार्यक्रममा प्रमुख अतिथि सुरेन्द्र प्रसाद यादव रहेका थिए भने विशिष्ट अतिथिमा वडा नम्बर ८ का वडा अध्यक्ष जवाहर प्रसाद गुप्ता, नेपाल रेडक्रस सोसाइटी वीरगञ्ज शाखाका सभापति बृजकिशोर प्रसाद पटेल लगायत सौरभ राज पाण्डे, कार्यसमिति सदस्य दिनानाथ रौनियारको उपस्थिति रहेको थियो।
उक्त कार्यक्रममा ५८ जना पुरुष र ४ जना महिला गरी जम्मा ६२ जनाले रक्तदान गरेका थिए। सलोनी चौधरी, करण साह, मुकेश ठाकुर, कौशल्या देवी राय, विष्णु कुमार रौनियार, राकेश कुमार बनवाल, बसन्त कुमार रौनियार लगायतले सक्रिय सहभागिता जनाएका थिए।
त्यसैगरी, युवा जागरूक समाज, नेपालद्वारा आयोजित अर्को रक्तदान कार्यक्रम वीरगञ्जस्थित नारायणी अस्पताल परिसरमा सम्पन्न भएको थियो।
कार्यक्रममा वीरगञ्ज महानगरपालिकाका मेयर राजेशमान सिंह प्रमुख अतिथिका रूपमा सहभागी भएका थिए। कार्यक्रममा डा. सुनील जैसवाल, मुकेश कुमार कुर्मी, विवेक कुमार चौबे लगायतको उपस्थिति रहेको थियो। उक्त कार्यक्रममा २५ जना पुरुष र ७ जना महिला गरी जम्मा ३२ जनाले रक्तदान गरेका थिए।
यसैक्रममा सशस्त्र प्रहरी बल, नम्बर १३ गण वीरगञ्जमा आयोजित रक्तदान कार्यक्रममा ३८ जनाले रक्तदान गरेका थिए।
तीनवटै कार्यक्रममार्फत संकलित रगतले आपतकालीन अवस्थामा बिरामीहरूको जीवन रक्षा गर्न महत्वपूर्ण योगदान पुग्ने विश्वास गरिएको छ। आयोजक संस्थाहरूले यस्ता सामाजिक कार्यलाई आगामी दिनहरूमा पनि निरन्तरता दिने प्रतिबद्धता जनाएका
