लायन्स क्लब बीरगंज परिवार र बीरगंज स्पोर्ट्स एकाडेमीको संयुक्त आयोजनामा आज आदर्शनगर रंगशालामा ‘6th Corporate Super Six Cricket Tournament–2082’ को उद्घाटन समारोह भव्यरूपमा सम्पन्न भएको छ। कार्यक्रममा सभापतित्व लायन नरोत्तम पाण्डेले गर्नुभएको थियो भने प्रमुख अतिथिका रूपमा बीरगंज महानगरपालिकाका मेयर राजेशमान सिंह उपस्थित रहनुभएको थियो।
समारोहमा स्पोर्ट्स एकाडेमीका अध्यक्ष सन्दिप गुप्ता, लायन्स डिस्ट्रीक्टका पूर्व गभर्नर लायन डाक्टर रमेश कुमार अग्रवाल, पूर्व डिस्ट्रीक्ट गभर्नर लायन देवकी नन्दन अग्रवाल, फस्ट भाइस डिस्ट्रीक्ट गभर्नर लायन रामबिहारी पाण्डे, डिस्ट्रीक्ट एक्ज्युटिभ चिफ लायन बासु तिमल्सिना, डिस्ट्रीक्ट एक्ज्युटिभ चिफ लायन रिकेश साह, डिस्ट्रीक्ट एक्ज्युटिभ चिफ लायन उमेश शर्मा, डिस्ट्रीक्ट चिफ लायन श्याम गुप्ता, एरियाचिफ लायन रामेश्वर गुप्ता, बिएसएका प्रमोद गुप्ता, नरेश रौनियारलगायत पदाधिकारी, खेलप्रेमी तथा सरोकारवालाहरूको उल्लेखनीय उपस्थिति रहेको थियो।
उद्घाटनलगत्तै प्रतियोगिताको प्रारम्भिक चरणअन्तर्गत आज मात्र १२ खेल सम्पन्न भए। बैंक, फाइनान्स तथा विभिन्न कर्पोरेट संस्थाबाट २४ टिमले सहभागीता जनाएका छन्।
आजको खेलमा पतञ्जली, प्रेस्टिज र शिखर इन्स्योरेन्सले उत्कृष्ट प्रदर्शन गर्दै आगामी शनिबार आयोजना हुने सुपर–८ चरणका लागि स्थान सुरक्षित गरेका छन्।
यसैबीच बाँकी खेलहरू पुस २७ गते सम्पन्न गरिने र सोही दिन फाइनल खेल पनि आयोजना गरिने जानकारी बीरगंज स्पोर्ट्स एकाडेमीका अध्यक्ष सन्दिप गुप्ताले दिनुभयो।
