अभिलाष गुप्ता
बैशाख ०९ बिरगंज
नेपाल कम्युनिस्ट पार्टी एमाले बिरगंज महानगर कमिटीको नयाँ नेतृत्व चयनका लागि मतदान सुरु भएको छ । मंगलबार बिहान साढे ९ बजेदेखि नयाँ नेतृत्व चयनका लागि मतदान सुरु भएको निर्वाचन अध्यक्ष बिचारी यादवले बताए ।
निर्वाचन बिरगंजको घन्टाघर स्थित क्लासिक बनक्युटमा जारी रहेको छ । उनका अनुसार यो मतदान दिउँसो २ बजेसम्म चल्नेछ । नोमिनेशन भएको ११ दिन पश्चात् बिरगंज महानगर कमिटीको नयाँ नेतृत्वका लागि आज मतदान हुँदै छ । नोमिनेशनकै दिन कर्फ्यु लागेपछि निर्वाचन स्थगन गरिएको थियो ।
गएको ३० गते महानगरको कमिटी नयाँ नेतृत्वको चयनका लागि नोमिनेशन भएको थियो । ८३ पदका लागि निर्वाचन हुँदै छ । अध्यक्ष पदमा २ जना, उपाध्यक्षमा २ जना, सचिवमा ४ जना र उपसचिवमा ४ जनाको उम्मेदवारी परेको जानकारी गराएका थिए।
