जगरनाथपुर गाउँपालिकाका एक अति विपन्न परिवारलाई समाजसेवी वृजेस्वर प्रसाद चौधरीले १० हजार रुपैयाँ आर्थिक सहयोग गरेका छन्।
दैनिक जीवनयापनका लागि आवश्यक पर्ने गाँस, बास र कपास समेतको अभाव झेलिरहेको परिवारको अवस्था थाहा पाएपछि चौधरीले मानवीय भावनाका साथ उक्त सहयोग गरेका हुन्। परिवारलाई केही राहत पुगोस् र दैनिक आवश्यकताका सामग्री व्यवस्थापनमा सहजता होस् भन्ने उद्देश्यले सहयोग गरिएको बताइएको छ।
समाजसेवी चौधरीले परिवारको अवस्था अत्यन्तै दयनीय रहेको जानकारी पाएपछि आफूले सकेको सहयोग गरेको बताए। उनले भने, “परिवारको आवश्यकता र पीडा शब्दमा जति नै वर्णन गरे पनि सायद कम नै हुन्छ। थोरै भए पनि केही सहज होस् भन्ने उद्देश्यले सहयोग गरेको हुँ।”
आर्थिक अभावका कारण आधारभूत आवश्यकतासमेत पूरा गर्न कठिनाइ भइरहेको अवस्थामा प्राप्त सहयोगले परिवारलाई केही राहत पुग्ने अपेक्षा गरिएको छ। सहयोग रकमबाट परिवारले दैनिक जीवनयापनका लागि आवश्यक सामग्री व्यवस्थापन गर्न सक्ने विश्वास गरिएको छ।
चौधरीले समाजमा आर्थिक तथा सामाजिक रूपमा कमजोर अवस्थामा रहेका परिवारलाई सहयोग गर्नु सबैको साझा दायित्व भएको उल्लेख गर्दै आगामी दिनमा पनि आफ्नो क्षमताअनुसार आवश्यकतामा परेका परिवारलाई सहयोग गर्दै जाने प्रतिबद्धता व्यक्त गरेका छन्।
उनले सहयोग प्राप्त गर्ने परिवारको सुख, शान्ति, स्वास्थ्य र समृद्धिको कामना गर्दै ईश्वरले सधैँ खुशहाल राखून् भन्ने प्रार्थना समेत गरेका छन्।
समाजमा विपन्न तथा असहाय परिवारलाई लक्षित गरी गरिने यस्ता सहयोगले मानवीयता, सामाजिक उत्तरदायित्व र आपसी सहयोगको भावनालाई थप बलियो बनाउने अपेक्षा गरिएको छ।
