अभिलाष गुप्ता
जेठ २५, वीरगन्ज
पर्साको वीरगन्जमा सवारी दुर्घटना हुँदा एक जनाको मृत्यु भएको छ, भने तीन जना घाइते भएका छन।
वीरगन्ज महानगरपालिका वडा नम्बर १४ पिपरा स्थित रेनुका पेट्रोल पम्प नजि्कै गण्डकबाट बसपार्क तर्फ जादैँ गरेको बि आर ५५ बि ९१०४ नम्बरको भारतिय कार आफैँ अनियन्त्रित भएर डिभाईडरमा ठोकिदा दुर्घटना भएको जिल्ला प्रहरी कार्यालय पर्साका प्रहरी प्रवक्ता एवम् प्रहरी नायब उपरीक्षक सुवास भट्टले जानकारी दिए।
दुर्घटनामा परि अन्दाजी ३० वर्षीय बिटु सर्राफको मृत्यु भएको छ। त्यस्तै घाइते हुनेमा कार चालक भारत, बेतिया नरकटियागञ्ज निवासी करिब ४० वर्षीय गणेश सर्राफ, सोही स्थानका २० वर्षीय रतन सर्राफ र २१ वर्षीय बिटु सर्राफ रहेको प्रहरीले जनाएको छ।
दुर्घटनामा घाइते भएकाहरुको बारामा रहेको एलएस न्यूरो अस्पतालमा उपचार भैरहेको छ। घटना बारे आवश्यक अनुसन्धान भैरहेको जिल्ला प्रहरी कार्यलय पर्साले जनाएको छ।
