अभिलाष गुप्ता
वीरगञ्ज, ९ साउन
राष्ट्रिय निजी तथा आवासीय विद्यालय एशोसिएसन नेपाल (नेशनल प्याब्सन) जिल्ला समिति पर्सा तथा नेशनल प्याब्सन वीरगञ्ज महानगरपालिका समितिको संयुक्त आयोजनामा “नेशनल प्याब्सन किड्स क्वेस्ट–२०८३” कार्यक्रम शनिबार वीरगञ्जस्थित बिरगञ्ज पब्लिक कलेज (बीपीसी) को सभाहलमा भव्य रूपमा सम्पन्न भएको छ।
जिल्लाभरिका नेशनल प्याब्सनमा आबद्ध सदस्य विद्यालयहरूको उत्साहजनक सहभागिता रहेको कार्यक्रममा नर्सरीदेखि कक्षा ८ सम्म अध्ययनरत विद्यार्थीहरूको सिर्जनात्मक तथा बौद्धिक क्षमताको विकास गर्ने उद्देश्यले चित्रकला, हस्तलेखन तथा निबन्ध लेखन प्रतियोगिता आयोजना गरिएको थियो।
कार्यक्रमको उद्घाटन प्रमुख अतिथि बिरगञ्ज पब्लिक कलेजका सहायक क्याम्पस प्रमुख डा. अर्बिन्द श्रेष्ठ ले गमलामा पानी हालेर गरेका थिए। कार्यक्रममा नेशनल प्याब्सन जिल्ला समितिका अध्यक्ष रामकुमार श्रेष्ठ को अध्यक्षता रहेको थियो।
कार्यक्रममा नेशनल प्याब्सन वीरगञ्ज महानगरपालिका समितिका अध्यक्ष सोनालाल पटेल, नेशनल प्याब्सनका केन्द्रीय सचिव इन्द्र देव साह, हिसान पर्साका अध्यक्ष मुकेश गुप्ता, शिक्षाविद् मार्टिन मोक्तान, पवित्रा प्रधान, उत्तम गुप्ता, सन्तोष साह लगायत शिक्षा क्षेत्रसँग आबद्ध व्यक्तित्वहरूको विशिष्ट उपस्थिति रहेको थियो।
प्रतियोगिताका निर्णायक मण्डलमा सुश्मा सिंह, मार्टिन मोक्तान र सञ्जय चौरसिया रहेका थिए।
प्रतियोगिताको नतिजाअनुसार चित्रकला प्रतियोगितामा माउन्ट हर्मन विद्यालयका चञ्चल उपाध्याय प्रथम, लर्ड बुद्ध विद्यालयका निरज प्रजापति द्वितीय तथा एन्जल वर्ल्ड विद्यालयकी नायरा श्रेष्ठ तृतीय भइन्।
हस्तलेखन प्रतियोगितामा ज्ञान उदय विद्यालयकी आइसा गुप्ता प्रथम, ओएसआईएस विद्यालयका निरज चौधरी द्वितीय तथा माउन्ट हर्मन विद्यालयकी ऐश्वर्या गुप्ता तृतीय भइन्।
त्यसैगरी निबन्ध लेखन प्रतियोगितामा एन्जल वर्ल्ड विद्यालयका आयुष कुमार प्रथम, सोही विद्यालयकी उन्नति साह द्वितीय तथा ब्राइट पब्लिक विद्यालयका प्रेम चौरसिया तृतीय हुन सफल भए।
प्रतियोगितामा उत्कृष्ट प्रदर्शन गर्ने सबै विजेता विद्यार्थीहरूलाई ट्रफी तथा प्रमाणपत्र प्रदान गरी सम्मान गरिएको थियो।
कार्यक्रमको सञ्चालन नेशनल प्याब्सन जिल्ला समितिका सचिव प्रमोद रायमाझी ले गरेका थिए। आयोजकका अनुसार यस्ता प्रतियोगिताले विद्यार्थीहरूमा सिर्जनशीलता, आत्मविश्वास तथा स्वस्थ प्रतिस्पर्धाको भावना विकास गर्न महत्वपूर्ण भूमिका खेल्ने विश्वास व्यक्त गरिएको छ।
