विश्व रक्तदाता दिवस 2025 को अवसरमा बर्षभर रक्तदान गर्दै महत्वपूर्ण भूमिका खेल्नुभएका संघसंस्थाहरूलाई सम्मान कार्यक्रम सम्पन्न गरिएको छ ।
ब्लड डोनर्स एसोसियशन वीरगन्ज, पर्साद्वारा होटल मकालुमा आयोजना गरिएको कार्यक्रमको अध्यक्षता एसोसियशनका अध्यक्ष शत्रुघन नेपालले गर्नुभयो । कार्यक्रमको प्रमुख अतिथिको रुपमा उद्योग वाणिज्य संघ पर्साका अध्यक्ष हरि गौतमको उपस्थिति थियो ।
त्यस्तै विशिष्ट अतिथिको रुपमा सखुवा प्रसौनी गाउँपालिकाका अध्यक्ष जसवन्त यादव,जिल्ला प्रहरी कार्यालय पर्साका प्रमुख एसपी गौतम मिश्रा, शिवजी गुप्ता (सदस्य सचिव-मधेश खेलकुद परिषद्), जवाहिर गुप्ता (वडा अध्यक्ष-वीरगन्ज-९), रामक्षेत्री पटेल (परवानीपुर गाउँपालिका अध्यक्ष), बैजु स्वर्णकार (वडा अध्यक्ष वीरगन्ज-३), भगवान पटेल (नेपाल रेडक्रस सोसाइटी पोखरीया उपशाखा) अनि रक्त संचार केन्द्र वीरगन्जका प्रमुख सौरभ राज पाण्डेको विशेष उपस्थिति थियो ।
सम्मान कार्यक्रम अन्तर्गत २०८१ वैशाख १ देखि चैत्र मसान्तसम्म २५ पिन्टभन्दा बढी रक्तदान गर्ने संघसंस्थाहरूको योगदानको उच्च मूल्याङ्कन गर्दै सम्मान गरिएको थियो । कार्यक्रमको स्वागत मन्तव्य निशान्त लामिछानेले गर्नुभयो ।
कार्यक्रममा अर्बिन्द सिंह, राजन श्रीवास्तव, ओम कुमार झा, शति सिंह राजपूत (रानीघाट उपशाखाका सभापति) सहित समाजसेवी, पत्रकार हरूको उल्लेखनीय सहभागिता रहेको थियो ।
