वीरगञ्ज महानगरपालिका वडा नं ५ मा हाल भइरहेको विभिन्न विकास निर्माण कार्यहरूको स्थलगत अनुगमन आज सम्पन्न भएको छ। अनुगमन टोलीमा वडा अध्यक्ष प्रदिप चौरसिया, वडा सदस्य मनोज साह, तथा स्थानिय सामाजिक अगुवा व्यक्तिहरूको समेत सहभागिता रहेको थियो।
वडा अन्तर्गत सडक विस्तार, ढल निकास, नाली निर्माण तथा खानेपानी सम्वन्धी कार्यहरूलाई प्राथमिकता दिइएको निर्माण योजनाको अवलोकन गरिएको थियो। अध्यक्ष चौरसियाले कामको गुणस्तरमा कुनै सम्झौता नहुने बताउँदै समयमै निर्माण कार्य सम्पन्न गरिने प्रतिवद्धता व्यक्त गरे।
अनुगमनका क्रममा प्रतिनिधिहरूलाई प्राविधिक मापदण्डअनुसार कार्य सम्पन्न गर्न निर्देशन दिइएको छ। स्थानिय बासिन्दाहरूले विकास कार्यमा देखिएको गति प्रति सन्तोष व्यक्त गर्दै पारदर्शी ढंगले काम अगाडि बढिरहेको बताए।
वडाले आगामी दिनहरूमा पनि नियमित रूपमा अनुगमनलाई निरन्तरता दिने जनाइएको छ, जसबाट कार्यको गुणस्तर सुनिश्चित गर्न र जनताको विश्वास कायम राख्न सकिने अपेक्षा गरिएको छ।
